Skip to main content
  

Musanze : Yubahutse ibigabiro bya Gihanga ahasiga ubuzima

Buhanga Eco-Park iherereye mu murenge wa Nkotsi mu karere ka Musanze , ahitwa ku Bwimo bwa Gihanga aho basobanura amateka y’ umwami Gihanga, wahanze u Rwanda wari uhatuye, hakaba haranakorerwaga imihango yo Kwimika abami b’u Rwanda, Umugabo umwe wigabije ibigabiro byaho akabibazamo imivure yahasize ubuzima nyuma yo kutubaha iby’umuco gakondo.
Mu muco gakondo iby’i Bwami ntibivogerwa kandi n’ahakorerwaga imihango itandukanye ya gakondo harubahwagwa, bakamenya ko ari ntavogerwa. Joseph Hategekimana umukozi wa RDB ushinzwe gusobanura amateka yo kuri uyu musozi ,yatangarije abanyamakuru ko ibigabiro by’umwami Gihanga mu mwaka wa 1977 byigabijwe n’umugabo witwa Ntumira abibajemo imivure kuyihavana biba ikibazo anahasiga ubuzima.
Avuga ko ibi byatewe n’uko ibi biti byakorerwagaho imihango itandukanye, bikanavugirwaho imitongero.
Hategekimana wabonye ibi biba wanashyinguwe uwo mugabo, yagize ati “Ibigabiro by’aha byabaga byaratongerewe, umugabo witwa Ntumira yarabyigabije asaba abagabo babiri kubimubarizamo imivure, batemaho amashami abiri babazamo imivure. Babikoze abaturage bamubuza aranga, abagabo barabibaje bivamo imivure, nyuma imaze kuma baje kubyikorera ngo babimushyire , Ntumira ahita amererwa nabi bamujyana mu bitaro by’i Nyakinama aba arapfuye”.
Akomeza avuga ko abaje kubyikorera nabo bahawe amasubyo kugira ngo babagangahure, kuko bari batinyutse kwigabiza ibigabiro kizira, ariko abo bagabo bo baje baje kuba bazima.
Imivure yo atangaza ko yahasaziye ntawayubahutse,kuko yarasataguritsemo ibipande ku buryo ntawigeze atinyuka kuyigabiza.
Hategekimana atangaza ko kuri uyu musozi wo ku Bwimo bwa Gihanga, harimo ibiti bitandatu bindi by’ibigabiro birimo imitongero yimihango yahakorerwaga, ku buryo hagize ubyigabiza akabikoresha uko bidakwiye, byamuviramo ibibazo kuko kizira gutinyuka kwigabiza ibya Gihanga.
Icyo giti cyabaye intandaro y’urupfu rwa Ntumira, ni igiti gifite amateka akomeye mu Rwanda : cyitwa Inyabutatu nyarwanda, buri mwami wese wabayeho mu Rwanda, niho yimikirwaga, agatongerwa akabona kujya i Nyanza.
Ushaka kumenya amateka y’icyo giti kanda hano
Igiti cy'Inyabutatu nyarwanda nicyo cyakoze kuri Ntumira
Hategekimana ni umwe mu bashyinguye Ntumira, agaragaza igiti cyatumye

Comments

Post a Comment

Popular posts from this blog

Amanota y’ibizamini bya Leta yasohotse, abahungu banikiye abakobwa     Aba bana uko ari batatu ni abo muri Kigali Parents, Gasabo, bari mu 11 ba mbere mu gihugu. Uhereye ibumoso: Murekezi Ihirwe Patience wa mbere, Denis Shyaka Gasasira wa kane na Ihoza Annie Christella wa cumi, ariko akaba ari we mukobwa wa mbere kuko 9 ba mbere bose ari abahungu (Ifoto/Kisambira T) Minisiteri y’Uburezi ku gicamunsi cyo kuri uyu wa kane tariki 16 Mutarama 2014, yashyize ahagaragara ibyavuye mu bizamini bisoza amashuri abanza n’icyiciro cya mbere cy’amashuri yisumbuye mu mwaka ushize wa 2013. Imibare igaragaza ko abakobwa babaye benshi mu gukora ibizamini, ariko ntibyababuza gutsindwa cyane ugereranyije na basaza babo bakoze ari bake. Minisiteri y’Uburezi yerekanye ko mu banyeshuri ibihumbi 163,092 bakoze ikizamini gisoza amashuri abanza mu mwaka wa 2013, abakobwa bangana na 89 537 (54%), abatsinze neza muri abo bangana na 2,2
Post a Comment
Read more
Menya bamwe mu bantu bagize amateka akomeye mu gihe cya gikoroni mu Rwanda      Mu mateka y’u Rwanda hari abantu bakomeye bagiye bigaragaza cyangwa bakagaragara mu bikorwa byamenyekanye cyane mu mateka y’ u Rwanda. Abo barimo Abanyarwanda ndetse n’abazungu barimo abategetsi n’abihaye Imana. Bamwe muri abo bantu ni aba bakurikira : SHARANGABO Sharangabo ni mwene Rwabugiri Kigeri IV. Uyu Sharangabo azwi ho kuba ari we wakiriye abazungu igihe baje mu Rwanda. Sharangabo yatwaraga u Buganza bw’epfo i Rwamagana. Ni we wayoboye abazungu abajyana i Kageyo aho babonaniye na se Kigeri IV Rwabugiri (Mu murenge wa Kageyo akarere ka Ngororero ubu). Abo bazungu bari bayobowe na Comte Gustav Adolph Von Goetzen w’Umudage bahuye tariki 12 Gicurasi1894. Nyuma yo kugeza Goetzen i Kageyo kwa Rwabugiri bivugwa ko uyu muzungu yahamaze iminsi ine kuko yahageze tariki 29 Gicurasi akahava tariki 2 Kamena. AD
Post a Comment
Read more

Youth Minister dancing at Igihango cy'Urungano in Mulindi

Post a Comment
Read more